L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
I CANTASTORIE
Eranu pueti mal’ arrinisciuti
ca giravanu pi’ tutti li paìsi,
cantavanu storii pì li strati
pi’ purtari, accussì, pani a’ li casi.
Su’ fatti veri e nun ammanicati,
davanu vuci a tutti li quartera
di tradimenti e dilitti efferati,
pì scumpariri prima di’ la sira.
Cantavanu di Portella Ginestra *
la stragi di tanti ‘nnucenti morti
pi’ manu c’ora è ditta Cosa-nostra,
ca tannu era cchiù agguerrita e forti.
Li gesta e poi la fini di Giulianu,
di Montelepre Re ‘ncurunatu,
traditu da Pisciotta sò cuscinu,
ca ‘n carciri murì avvilinatu.
Di Placido Rizzotto la scumparsa, **
sindacalista onestu ora d’impacciu,
pì dari cchiù terra a’ la genti scarsa
murì ittatu d’intra ad un cripacciu.
Tutti li vecchi, fimmini e carusi,
misi ammunziddati ad iddu a giru tunnu,
ascutavanu cu’ l’oricchi tisi
cosi ca parian di ‘n’atru munnu.
Unu gridava misu a la chitarra,
mentri l’atru signava ‘na figura:
un briganti era d’arretu di ‘na sbarra
p’aviri cumminatu ‘na sciagura.
Eranu sceni fatti su ‘n tiluni,
disignati da ‘n’artista natu,
giravanu a canciari lu cupiuni
comu si fussi un album di fotu.
Ch’ist’ era tannu lu teligiornali
ca dava l’accadutu di li cosi
e la nutizia era sempr’ attuali,
pur’ a sintirla dopu tanti misi.
A nui parìa di stari a’ lu tiatru
tutti assittati ‘n prima fila misi,
la nostra menti nun pinsava ad atru
si nun a ‘mmaginari chiddi cosi.
Cu stava a vucca aperta ad ascutari
e l’occhi avìa tutti sbarracati,
picchì disìu tantu avìa capiri
chiddi fatti ca vinìan cuntati.
Lu vecchiu arzillu ch’era statu ‘n guerra,
fumannu cu’ la pipa di cannedda,
pi’ la stanchizza s’era misu ‘nterra
dicennu ca… la vita è sempri chidda.
Ch’ist’era la strata ,tannu, pì tutti:
cinima, tiatru e pì nui palestra,
unni carusi si curria a frotti
e di viviri ‘n comuni era maistra.
Nun c’eranu machini, sulu muli
e la si vulìa beni cun affettu,
ci si mittìa a’ l’ummira o lu suli
e ad asciucari li ficu e l’astrattu.
Di li sceni nun c’era dipinnenza,
pi’ comu oggi si senti raccuntari
ed appena si rumpìa l’adunanza
si riturnava subitu a ijucari.
_________________
di Gioacchino Todaro
Note: * (I Maggio 1947)
** (periodo della riforma agraria)
Iscriviti
ed inizia a pubblicare i tuoi contributi culturali
REPORTER
08/11/2005
LA BREVE VITA DI DAMIGIANA
GUCCIONE DIEGO
10/01/2018
FROM SAINT LUCY TO HOLY NIGHT...
DIDACUS
02/04/2013
EL DOLOROSO ENCANTAMIENTO DE FRANCISCO…
REPORTER
10/10/2005
LA SERENATA
REPORTER
27/11/2005
LA VITA SOCIALE - II^ PARTE -
REPORTER
27/11/2005
LA SCUOLA - I^ PARTE -
REPORTER
06/12/2005
LA GESTIONE DEL BUDGET ANNUALE
REPORTER
06/12/2005
IL VALORE DEL RICORDO
DIDACUS
24/01/2010
A BECCAFICU ON FACEBOOK?!...
REPORTER
08/12/2005
JACHINU L‘UORVU
REPORTER
10/10/2005
ARCO & SCIUNNA
REPORTER
13/10/2005
INVITU, ONURI E...BOLLEVATA
DIDACUS
11/01/2014
‘NA CAVULATA CAN SAVE YOUR LIFE!
DIDACUS
16/02/2014
IUÒVI CUMMARI, ON LINE, SHOPPING…
TODARO GIOACCHINO
17/03/2018
DULURA E DINARI
GUCCIONE DIEGO
17/07/2017
AUGUSTALIA CONDOMINIA
REPORTER
05/11/2005
ALBA PRATALIA
DIDACUS
07/01/2013
A KIWI QUAGGHIATA FOR EPIPHANY...
CONCIALDI RINO
12/12/2007
LA BRACIERA